BOGOTA, Colombia – E forsanan militar di Colombia a activa e “Plan Democracia 2018” unda cu nan lo participa na mas di 240 mil soldaat. Su obhetivo ta pa genera e condicionnan di siguridad pa garantisa eleccionnan di diadomingo awo. Esaki segun fuentenan Castrense.
Como parti di e “Plan Democracia 2018”, un total di 75.656 militar lo cuida 10.998 centro di votacion y 95.224 mesa pa e Colombianonan por eherce e derecho constitucional di voto. Esaki segun e forsanan militar den un comunicado.
E resto di militarnan, ta destaca den henter e teritorio, lo fortalece e dispositivonan di siguridad pa cual lo desaroyo operacionnan di control militar di e area, proteccion di infrastructura strategico. Pero tambe como accionnan ofensivo y di interdiccion cu e fin di mitiga cualkier menasa cu por afecta e desaroyo normal di e eleccionnan, e informacion a sigui bisa.
Diadomingo, 36.2 miyon Colombiano tin derecho na e urnana den e prome buelta di e eleccionnan presidencial unda e candidato Uribista Ivan Duque, di e partido Centro Democratico, ta mustra di e faborito den tur e encuestanan contra di e iskierdista Gustavo PEtro, di e movimento Colombia Humana.
Entre e aspirantenan tin tambe Sergio Fajardo, di e coalicion Colombia (centro- iskierda), e derechista German Vargas Lleras, di e movimento Mejor Vargas Lleras y e liber Humberto de la Calle.