Desde cu e a anuncia e Plan Educacional 2030, un di e principionan fundamental ta digitalisacion. E mandatario di Enseñansa, drs. Armando ‘Rudy’ Lampe, ta den contacto directo cu e uitgeverij, unda cu aworaki ta den negociacion, unda cu ta haya un pakete, unda cu material digital, cu no mester wordo transporta, licentierecht combina cu bukinan imprimi, asina no ta bay den emergencia, pasobra cu’n leverancier ta bay gana placa y lo haci’e hopi mas caro.
Mas aleu, e mandatario a bisa cu ta p’esey e posibilidad t’ey pa negocia directamente cu esun cu tin e licentierecht y cu ta produci e buki. Esey ta e motibo cu e negocacionnan aworaki ta andando pasobra un di e metanan di Gabinete Wever- Croes ta cu nan kier ta diferente cu e gobierno anterior. Y den kico ta haci e diferencia? Cu ta mas respetuoso cu placa di pueblo. Y ta haci’e door cu tu hende sa cu e sitaucion di pais Aruba, ta na werki. Y awo bou di e condicionnan aki, ta purba di ta mas respetuoso posible cu placa di pueblo.
E meta ta pa cumisna entrante aña escolar 2019-2020, y tameb tabata tin idea di cuanto mucha lo cuminsa den e prome aña. Diasabra ainda e mandatario tin un reunion cu e rector di Colegio San Nicolas. pa haya sa e cantidad di alumno, pa asina por haci e bestelling.