Dia 21 Augustus ultimo alumnonan di Colegio San Augustin a tene nan dia di introduccion, caminda cu docente Stuit a hinca un bon programa den otro. Docentenan a disfrasa pa e parti di e evento “vossenjacht” y alumnonan mester a cana den e cayanan di San Nicolas en busca di e docente nan. Docentenan tabata hopi creativo cu nan disfraz. Despues di e “vossenjacht” alumnnonan por a disfruta na Community Pool. Na final di e mainta di introduccion tur hende a haya nan lunch y despues por a bay cas pa asina e dia siguiente cuminsa yen di energia positivo e aña escolar 2017- 2018.
Dia di San Augustin
Dia 28 di Augustus ta dia di e patrono di nos scol. Agustín de Hipona, conoci tambe como San Augustin (*Tagaste, 13 november na aña 354, Hippo Regius, 28 austus na aña 430). San Augustin ta un Santo, e tabata Pastoor di e Iglesia Catolico y tambe un dokter. Otro nomber cu San Augustin ta conoci pe ta E «Dokter di Gracia». Pa celebra e dia cu nos ta recorda San Augustin, nos scol: alumnonan y cuerpo di docente a asisti na un Santo Sacrificio di misa pa habri un siman y un aña escolar yen di bendicion. Esaki a tuma luga na Misa Sta. Theresita. Despues di “eerste pauze” e lesnan a sigui normal.
Anochi di Informacion pa mayornan
Anochinan di informacion lo tuma lugar dia 19, 20 y 27 di september 2017. Klasnan di CB1 (1a, 1b, 1c y 1d) lo ta dia 19 di september di 6.30 pa 7.30 di anochi. Pa 6.30 di anochi ta spera e mayornan di e alumnonan di CB1 den lokaal 13 y 14 pa e informacion general. Despues di informacion general mayornan ta bay cu e mentornan den nan respectivo klas, pa asina haya mas informacion valioso, pa e aña escolar por cana bon. Pa klasnan di CB2 y CA1 e fecha ta ariba 20 di september. Pa 6.30 di anochi ta spera e mayornan di e alumnonan di CB2 den lokaal 13 y 14 pa e informacion general y despues e mayornan lo bay hunto cu e respectivo mentor na su respectivo klas. Pa 7.30 di anochi ta spera e mayornan di e alumnonan di CA1 den lokaal 13 y 14 pa e informacion general y despues e mayornan lo bay hunto cu e respectivo mentor pa su respectivo klas, na unda nan lo ricibi e demas informacionnan. Dia 27 di september ta spera e mayornan di e alumnonan di examenklas (CA2) den lokaal 13 y 14 pa e informacion general y despues e mayornan lo bay hunto cu e respectivo mentor pa su klas na unda nan lo ricibi e demas informacionnan.
‘GES Green Education Symposium’
Dia 6 di september ultimo alumnonan di klas 3 a bishita e simposium di
“Green Education” na Biblioteca Nacional. Pa 7:45 di mainta e alumnonan a subi bus, pa asina wordo transporta pa Biblioteca Nacional. Na yegada tabatin algun alumno di EPI sector economia cu tambe lo a presencia e simposium. Oradornan cu a duna su presentación e mainta aki tabata: Kristen Mastel di Minnesota USA, William Guerrero di Colombia, David, Bynoe di Barbados, Andre Marin y Lampe di Aruba. Meneer Guerrero a splica di materialnan cu nos por recicla door di traha bunita obranan di arte. Tambe el a informa esnan presente cu ta tuma hopi aña (plastic 400, glas 1000) prome cu naturalesa por kibra e materialnan aki. Despues señora Mastel a papia tocante nos cuminda y di unda e ta bin. Na Aruba 70 % di e productonan ta bin di Merca, di cual gran parti ta bin for di Minnesota. Tambe el a menciona e importancia di abehanan riba mundo. Meneer Bynoe a splica tocante e “broeikaseffect” y e cambio di clima cu ta tumando luga actualmente y con nos por bira mas “Green”. Esaki nos por haci door entre otro “solar panel”. Meneer Marin a papia kico ta tur e posibilidadnan cu Aruba tin pa ofrece/ y kico ta tumando lugar caba. Pa
Finaliza meneer Lampe a come un pida carbon, y a papia di criki y su proteina. El a trece criki pa parti pa tur alumno den e sala cu a durf di purba.