Diahuebs 16 di Maart Colegio Nigel Matthew a tene locual ta nan feria cultural pa asina recauda fondo pa bay Hulanda cu e studiantenan den luna di April.
Director Ivor Curie ta splica nos cu a bin cu e idea aki pa celebra locual ta nos Himno y Bandera y tene algo diferente pa recauda fondo. E idea a bin for di diferente juffrouw cu meneer cu tabata haci esaki den pasado y kier a biaha cu e muchanan y a bolbe bin bek cu e idea aki pa asina e muchanan por gosa di algo cultural tambe.
Unabes a trece e idea aki dilanti na e muchanan, nan tabata mas cu contento pa asina ricibi e dia aki y tambe varios studiante a participa den e feria, te hasta a participa den baile y canto. Un anochi yena cu ambiente y diferente tent cu tabata tin coy come y bebe.
A aprecia ocho baluarte tambe unda cu a ricibi un plakkaat y tambe un obra dilanti diferente klasnan.
