Na tur scol di enseñansa avansa espectativanan ta halto ora 15 diJuni ta yegando, pasobra e dia ei lo anuncia e resultadonan di e examen final. Asina tabata diahuebs 15 di Juni e situacion tambe na Colegio Arubano, cual ta e scol di mas grandi di Aruba.
E “bahamentu di Lista’ mas o menos 16.00 or tabata un evenemento masha special: masha hopi alumno hunto cu nan mayornan den un ambiente festivo. Masha hopi alumno a participa na e prome buelta di e asina yama Centraal Schriftelijk Eindexamen (CSE1), esta 228 alumno di HAVO 5 di cual ya 121 a slaag cu ta nifica 53%; 119 alumno di VWO 6 di cual ya 77 a slaag cu ta nifica 65%.
E resultadonan di e prome buelta di e CSE ta satisfactorio. Pa HAVO e aña aki a bin un exigencia aserca, esta 7 materia di examen (examenvakken) na lugar di seis. Pa VWO tambe a bin un exigencia aCerka, esta e Rekentoets.
Ta spera cu bastante alumno mas lo slaag den e di dos buelta di examen. E ora ei HAVO lo por yega 65% y VWO, 75 pa 80%.
Nos ta desea tur alumno cu ta bai traha un herexamen, hopi exito. For di awor nos kier gradici tur docente cu lo bai yuda alumnonan cu ta bai haci un herexamen pa ta exitoso durante e di dos buelta di CSE. Tambe nos kier gradici tur docente cu a duna les na e candidatonan, e demas personal ye directiva di scol pa nan aporte na e exito di e candidatonan di HAVO y VWO.