Den un carta 12 januari 2020 cu colegio arubano a manda pa informa mayornan ta bisa lo siguiente.
En conexion cu e carta fecha 10 di Januari ultimo, relaciona cu e investigacion cu polis ta haciendo Colegio Arubano ta informa lo siguiente:
1. Tur CP y SE ta sigui dialuna 13 di Januari segun e rooster.
2. Den e dianan venidero lo tin extra vigilancia presente na Colegio Arubano.
3. Nos lo procede cu un control preventivo: esaki kiermeen cu lo controla tur tas y rista tur hende cu pisa tereno di scol.
4. Ta pidi tur mayor pa papia cu nan yiu tocante esaki y pa controla nan tas di antemano. Laganan bin scol cu unicamente material necesario pa traha CP/SE.
5. Na final di e CP/SE ta pidi tur alumno pa bandona tereno di scol y ta urgi pa mayornan pa percura pa transporte asina cu nan yiu caba di traha e CP/SE.
6. Den caso cu un alumno no traha e CP/SE, e reglanan normal ta keda vigente pa bin na remarke pa haci un inhaal CP/SE, esta un carta di Medwork.
7. Asina cu e investigacion termina, nos lo informa boso debidamente.
Na e momentonan aki no tin motibo pa panico, pero ta reforsa e seguridad pa tur hende cu ta riba tereno di scol.
Nos tin confiansa den e profesionalnan cu ta asisti nos y nos lo percura pa e dianan di scol venidero ta trankilo y ordena.