Dos klas di Colegio Arubano diamars tabata di bishita na e oficina di Representacion Hulandes na Oranjestad (VNO) pa un conferencia tocante Prinsjesdag na Hulanda. Un HAVO4 y un VWO5 cu geschiedenis den nan pakket durante e encuentro aki a haya mas informacion tocante e ceremonianan di Prinsjesdag, e nificiacion di e finanzas publico y di Reino Hulandes.
Invitado special pa e encuentro aki tabata ex gobernador, Sr. Fredis Refunjol. E alumnonan a haya, via e werkvorm ‘Denken-Delen-Uitwisselen’, pa den grupo, bin cu ideanan di con e cooperacion den Reino lo ta aki 20 aña y pa presenta esaki na Sr. Refunjol y reemplasante di representante di Hulanda na Aruba, Sr. Baars.
Den nan presentación e alumnonan a subraya e importancia di un cooperacion estrecho den Reino ariba e tereno di Defensa y Husticia. Otro temanan cu e alumnonan a toca tabata “ finanzas publico” y “mantene e identidad Arubano”.