Sr Mario Wever cu ta director suplente a comenta cu dialuna 1 Juli tabata dia di DIMAS, unda 13 aña pasa a funda DIMAS. Nos ta contento cu tur e logronan den e añanan y a haci hopi na inovacion y cumpliendo cu e vision y mision di DIMAS. Tabata un dia pa refleha y pa ta hunto a celebra esaki na e waterpark na Hooiberg. A papia di loke ta proyecta di proyectonan nobo cu lo bay bin cune pronto y publico lo bay mira esaki den e siguiente luna nos dilanti. Sr Mario Wever a bisa e ta contento di e sosten cu nan a haya di e ultimo aña di e empleadonan y ta spera cu por bay hopi aña mas.
Tabata tin retonan te hasta critica y cu e procesonan ta tarda hopi, despues di varios cambio di software DIMAS ta sigui cu e parti di inovacion y si bay wak con na 2006 tabata duna servicio undata para pafo den awa, solo y number. Awor tur eseinan ta den pasado, awor nos ta yega te na un carnet unda falta ainda mas cos nobo pa bin y pronto lo bay bin cu un portal y mayoria di e clientenan por traha nan cita di cual por caba pero tambe hinca e peticionnan digital, y esaki ta e siguiente logro.
Venezuela ta keda un reto mescos cu e parti di asilo y nos tin un team special pa cu esaki y ta atende cu un cantidad di persona diariamente y e ta un reto. Actualmente tin un colega den exterior bou di trabou pa ta informa di e siguiente pasonan di loke ta asilo politico y esaki ta keda un reto y continuamente tin reunionnan ta tuma luga.