Diahuebs atardi algun colega a presenta na un cas di nan compañero di trabou na Tanki Leendert ya cu a haya su falta durante dia y ora a yame e no a contesta y e no a ni yama bek pa bisa cu algo a pase cu e no por a presenta na trabou.
Pasa di 4’or cu a yega n’e cas a bati na porta y a constata cu e porta dilanti ta habri y a bin topa cu e homber sin bida. A yama ambulance, paramedico a presenta pero e curpa tabata frieu y mucha mas no por a haci.
Polis a presenta pa wak si no tin nada di haber cu crimen, y hunto cu dr Texier a mira cu di berdad no tin nada di crimen y asina a constata morto di e homber di 52 aña.
Paz na su restonan.
