Colebra infecta cu mas di 500 carpata rescata for di un piscina

QUEENS, Australia – Cazadornan di colebra na Australia a rescata un pyton for di un piscina. Normalmente esaki lo no a yama mucho atencion, pero loke si a hala atencion ta cu e bestia tabata yena cu carpata.

Un cazador profesional a saca e reptil y a hib’e pa un clinica specialisa den bestianan exotico. Akinan veterinarionan a saca mas di 500 carpata, segun cazador di colebra, Tony Harrison, a declara na BBC. Tur cos ta mustra cu e python lo recupera.

“Ta como sifuera cu ta un saco di kiniki mi tabata tin den mi man cu tabata move”, segun Harrison.

Colebranan frecuentemente tin molester di carpata, pero cu esaki tabata tin asina hopi ta señal cu e lo no tin mucho resistencia door di un of otro malesa, segun expertonan. E colebra lo a busca refugio den e piscina pa asina haya un poco alivio di e carpatanan.

Comments

comments