Diadomingo ultimo dos hoben di 10 aña a bay landa cu nan mama na costa zuid di Boneiro net na altura caminda e antennanan di TWR ta. Tabata den careda di 6or di atardi cu e mama tabata na grito pidiendo yudansa ya cu tur e dos yiu nan a keda ataca pa algo den lama. E dos hoben nan tabata grita di dolor y por a nota un plas di sanger grandi den lama. Mesora nan a logra sali for di lama pero por a nota mordi basta serio na nan curpa. A dicidi di yama ambulance pa atende cu e dos hoben nan.
Personal di ambulance cu a yega na e sitio mesora a cuminsa atende cu e mucha nan i a dicidi di transporta nan cu urgencia pa hospital. Entretanto mayornan di e hoben nan a informa stinapa di e loke a sosode. E dos hoben nan despues di tratamento medico a keda interna den hospital pa e morde nan ricibi dor di e colebra. Personal di stinapa a haci un bon trabou ya cu nan a bay na e sitio di e incidente pa controla i wak kico por topa cu ne. Durante cu nan a drenta e lama den e area a bin topa cu un colebra conoci como e green moray eel basta agresivo. Mesora a tuma medida contra di e colebra aki cu a ataca e dos hoben nan i a morde nan malamente.
Dor di cambio di clima ta importante pa paga tino riba diferente situacion cu por presenta den lama rondo di nos isla. Pronto recuperacion na e dos hobennan aki cu a hiba susto di nan bida cu loke a pasa.
Cortesia: Live99fm Bonaire