Sra. mr. Luenne Gomez – Pieters, Directora di Departamento di impuesto a splica pakico e acuerdo aki ta importante pa a lanta e Afpak team aki.
Departamento di Impuesto, pa medio di Sra. Luenne Gomez- Pieters a firma un convenio di colaboracion, cooperacion cu diferente departamento den gobierno, pa traha hunto pa asina yega na metanan pa traha hunto y haci nan trabao tambe na Departamento di Impuesto, manera opsporing di Fiscale Fraude. Dus basicamente cosnan cu ta sosode, cu ta ilegal.
Sra. mr. Gomez – Pieters a splica cu ya pa varios aña, Departamento di Impuesto ta existi un Opsporingsteam. Mescos cu na Hulanda, tambe ta existi un team asina aki na e departamento di belasting na Hulanda, caminda ta haci trabao di opsporing di fiscale fraude. E personal di Departamento di Impuesto, ta prepara pa haci e trabao aki.
E convenio aki lo ta un cooperacion y colaboracion unda cu lo reserva, di parti di Departamento di Impuesto fisicamente pa un paar di dia.
Ta ripara cu tin cosnan strañonan ta sosode, Departamento di Impuesto ta selecta clientenan pa control di buki, esey ta sosode regularmente, y ora ripara via control di buki, bo ta ripara cu cosnan no ta cana manera mester ta, tin caminda cu ta dicidi Strafrechtelijk e caminda penal. Esaki ta unda cu clientenan por wordo persigui penalmente pa fraude cu nan aangifte, nan winst etc.
Ya caba den pasado tabata tin diferente caso cu Departamento di Impuesto atende cun’e. No ta tur ora esaki ta bin den publicidad, ya cu esaki ta cosnan cu mester wordo palabra cu Ministerio Publico prome cu tuma accion.
Den pasado a yega di haya casonan asina aki caba pa loke ta labamento di placa , pero awe cu e Afpak team esaki lo yuda mas pa ora di investiga e tipo di casonan pisa asina aki segun Sra. mr. Luenne Gomez – Pieters, Directora di Departamento di impuesto.
E colaboracion lo ta pa e bira mas efectivo, pasobra cada departamento ariba nan mes, hopi biaha cu nan ta “pisca trai reda”. Ora ta traha hunto cu e informacion cu tur departamento manera KPA, Ministerio Publico y ta colabora y ta share informacion, esaki ta haci e control hopi mas efectivo. Esey ta e parti importante, pa awo pa nan por atende tambe e parti aki, caminda cu tin hopi mas efectivo den control.
Pero no mester lubida, cu ora ta haci aangifte, ley ta prescribi cu mester haci aangifte manera mester ta. Momento cu, pa malo, informacion no ta wordo presenta, caminda cu e cliente ta comete fraude, door di mantene dos administratie, esaki ta castigabel y ta para den ley. Esaki ta algo cu awo lo mira un tiki mas den detayes, Sra. mr. Luenne Gomez- Pieters a finalisa bisando.