MERCA – E cofundador di Facebook, Dustin Moskovitz lo haci un donacion di 20 miyon di dollar di su propio fortuna na e arcanan democratico pa yuda derota e candidato Republicano Donald Trump den e eleccion presidencial di 2016.
E fondonan ta un sorprendente inyeccion di placa di parti di un hende cu nunca a participa prome den politica.
Moskovitz, un empresario di Silicon Valley cu un patrimonio neto di mas di 10 mil miyon di dollar, a anuncia diabierna cu e y su casa lo haci un gran donacion na varios grupo democrata, inclui esnan cu ta apoya Hillary Clinton. Una bes realisa, e aportacionnan lo converti Moskovitz den e di tercer donante mas generoso den e campaña di 2016.
“E decision no tabata facil, vooral pasobra nos tin nos reservanan cu respecto na un hende cu ta uza cantidadnan grandi di placa pai nflui den e eleccionnan,” Moskovitz y su casa Cari Tuna, a skirbi den un entrada den Medium.
“Nos ta spera cu esaki nos ta haci un poco mas probable cu e secretaria Clinton logra realisa e agenda cu el a delinea y sirbi di aviso na e Partido Republicano cu pa realisa e tipo di campañanan aki, basa riba miedo y hostilidad y apoya na e tipo di candidato aki, ta obliga hende responde actuando.”
Fuente: CNN en Español