DE BILT, Hulanda – KNMI na De Bilt, ta informa cu diasabra door di full Hulanda lo bay tin codigo geel debi na calor y chens pa mal tempo basta formal.
Esaki ta segun e instituto di tempo diabierna anochi. E codigo geel ta na vigor debi na e periodo di minimo cuater dia cu temperaturanan maximo riba 27 grado. Despues riba diasabra ta existi den henter e pais chens pa mal tempo, cu ta bay pareu cu hagel, rafaganan di biento y hopi awasero den un corto tempo. E chens grandi ta existi entre 6’or di diasabra atardi y 3’or di diadomingo madruga.
E plan nacional di calor ta keda na vigor na RIVM.
Fuente: De Telegraaf
- Latest
