Na Aruba tin un averahe di un mucha pa aña cu ta nace completamente sordo of ta bira sordo den e prome dos añanan di bida. Diamars anochi, durante e evento lo enfoca ariba mucha. Sra. Kristel van Nes, logopedist/ klinisch linguïst na FEPO ta amplia mas.
Pa e muchanan aki tin un opcion cu’n cochlear implant, unda cu nan ta haya un implante pafo di nan orea, unda nan por skucha bek. Esaki ta un aparto special. Nan ta keda muchanan sordo, si kit’e nan no ta skucha. E ta rekeri hopi mas atencion pa nan siña papia. Pa sigui nan desaroyo di idioma.
E operacion aki ta mane cualkier operacion. E trabao intensivo ta cuminsa despues di operacion. Mayornan normalmente no mester tin miedo di operacion, pero mester ta consciente cu e parti di rehabilitacion cu ta bin despues di operacion, ta rekeri mas tempo y y esfuerso di e mayor. Pero sigur e ta duna su fruta na largo plazo.
Si un mucha tin un aparato cu ta yuda e mucha pa skucha, e ora e no mester di e implante. Pa un implante cochineair e mucha su oido mester ta basta atras. E mucha por wordo opera di un edad chikito, ya cu mas trempan cuminsa, mas lihe e ta siña papia. E persona di mas jong tabata tin algo menos di 2 aña y esun mas grandi ta di 60 aña,
FEPO ta traha cu Wit Gele Kruis cu ta wak tur mucha cu ta nace, ne momento cu tin un mucha cu tin problema di oido, tur den team sa cu un mucha a nace cu problema di oido. Mayoria di muchanan ta wordo target den e prome siman caba di cu nan nace.
Diamars tin un charla na Universidad di Aruba, pa 9 or di anochi. Door cu tin algun cambio importante pa muchanan cu conchenair implant, antes tabata tin Scol Skucha Nos, aworaki e no t’ey mas. Tur e muchanan aki ta bay Enseñansa Regular pero nan no tin mucho conocemento pa por yuda e muchanan sordo cu’n conchenair implant, den klas.
Lo bay splica e situacion actual den enseñansa. No tin mucho luga mas habri, pa e charla aki. Esun cu ta desea di asisti por manda un mail na [email protected]
Si mayornan no ta ripara cu por tin un problema, e juffrouw si ta ripara, door cu nan ta cay atras, door cu nan no ta skucha bon. E mayor no mester tin berguensa, y den cualkier duda por yama pa un afspraak na FEPO.