GUERRERO, Mexico- Diasabra e multinacional Coca-Cola Femsa a anuncia e cierre di su centro di distribucion na Altamirano, Guerrero. Esaki ta debi na menasanan cu su trahadonan a sufri pa parti di gruponan delictivo.
For di Januari di e aña aki, empleadonan di e centro aki “a cuminsa ricibi constant menasa- y agresionnan pa parti di e crimen organisa” y a registra dañonan na su instalacionnan, e compania a splica den un comunicado.
E compania, cual sede central ta ubica na Monterrey y ta duna empleo na mas di 100 il persona di manera directo, a splica cu un agresion recien contra un di su trahadonan a obliga e compania di cera su operacionnan den e zona.
Tabata pa e mesun motibonan aki tambe, cu Coca Cola FEMSA a cera otro centro di distribucion na 2015, tambe na Guerrero. Estado di Guerrero ta conoci pa unda cartelnan di trafico y gruponan di delincuencia organisa ta opera.
Na Mexico, mas di un miyard di persona ta wordo asesina cada luna, hopi di cual ta wordo tortura, descuartisa, kima of ta wordo haya den fosanan clandestino unda cu gruponan delictivo ta laga nan victimanan normalmente.
Fuente : https://www.efe.com