Diamars mainta coach Master Clifford Rasmijn y Master Yoshmar Wever di Taekwondo Team Aruba a presenta cerca Sr. Moises Fernandez Presidente di Aruba Taekwondo Bond “ARTBO” cu e copa cu Aruba a gana na Surinam.
Presidente di ARTBO a keda contento cu e bon trabou di e dos coachnan di Taekwondo Team Aruba cu ta saca e Taekwondo di Aruba den lus internacional. Aruba ta invicto na Surinam den e TK5 danki na e bon trabou y dedicacion di e coachnan cu ta trahando duro na bienestar di e atletanan.
E coachnan di Taekwondo Team Aruba a informa Sr. Presidente cu nan ta preparando mas duro pa e siguiente TK5, pasobra gana Merca y despues Surinam no tabata facil. Awo tin un reto mas grandi pa e siguiente cu ta mas duro, pero por conta cu Aruba ta bay ta bon prepara.
