Paul Allen, cu na 1975 a funda Microsoft hunto cu Bill Gates a fayece na Seattle despues di un lucha duro y largo contra cancer. Ademas di su importancia den e creacion di Microsoft y su evolucion di loke e ta awendia, Allen a funda un compania responsabel di fabrica e avion mas grandi di mundo.
Allen a retira di Microsoft na 1983 despue di a wordo diagnostica cu e malesa di Hodgkin, aunke cu el a supera esaki y a regresa e compania despues. Sin embargo, el a wordo diagnostica cu’n cancero di tipo lynfoma non hodgkins na 2009. Esaki tambe Allen ta logra supera mediante tratamentonan, pero e aña aki e malesa ta bin bek pe. Awo, despues di lunanan largo di lucha, e empresario a fayece. Segun declaracionnan di su ruman muhe, Jody Allen, na nomber di su famia:
“Mi ruman tabata un persona extraordinario den tur sentido. Aunke hopi tabata conoce Paul como tecnologo y filantropo, pa nos e tabata un ruman y un omo hopi stima, ademas di un amigo excepcional. Famia y amigonan di Paul a wordo bendiciona ora, experimentando su ingenio, su calidez, su generosidad y su preocupacion profundo pa nos tur. Incluso su agenda pisa y druk, semper e tabata tin tempo pa su famia y amigonan. Su perdida ta un dolor pa nos y pa hopi otro, pero nos ta profundamente gradicido pa e cuidado y preocupacion cu tur dia el a demostra pa nos”.
Allen, ademas di tabata involucra cu e nacemento y e formacion di Microsoft, el a funda varios otro compania y emprendimentonan tecnologico, incluyendo Stratolaunch Systems na aña 2011, un compañia dedica na e desaroyo y fabricacion di e avion mas grandi di mundo (casi 117 m largo), cual lo wordo uza como plataforma pa lansa raket, ora cu esaki ta cla.