ATLANTA, Georgia – E cadena di television CNN, a kita diaranson, e comediante Kathy Griffin, despues cu el a provoca indignacion ora cu el a wordo fotografia wantando un cabes falso ensangrenta di e presidente Mericano, Donald Trump.
Trump a manifesta mas tempran su rabia cu e actriz, cantante y presentador, bisando cu “e mester di berguensa di su mes” pa e imagen. “Mi yiunan, specialmente mi yiu di 11 aña, Barron, ta pasando un mal rato door di esaki. Enfermo,” e mandatario a skirbi riba Twitter.
Griffin di 56 aña, un di e conductornan di e cobertura di Aña Nobo di CNN den e ultimo decada, a disculpa y cu el a pidi e famoso fotografo Tyler Shields pa elimina e potret aki for di internet.
Pero no tabata suficiente pa salba su trabao cu e cadena di television.
“CNN a finalisa e contrato cu Kathy Griffin pa aparece den nos programa di Aña Nobo,” e unidad di comunicacion di e compania a anuncia riba Twitter.
E cadena a informa poco prome cu nan tabata “evaluando” su cobertura di Aña Nobo y a yama e fotografia “askeroso y ofensivo”.
E prome dama, Melania Trump tambe a critica e comediante, kende a gana dos Emmy pa su reality show “My Life on the D List.”
“Como mama, casa y ser humano, e potret eynan ta hopi inkietante,” e casa di e presidente a declara. “Ora bo tene na cuenta algun di e atrocidadnan cu ta pasando awendia na mundo, un potret manera esey simplemente ta malo y ta haci pregunta riba e salud mental di esun cu a haci’e,” el a agrega.
Den un video di 31 seconde, gepost riba rednan social diamars, Griffin a bisa: “Mi ta pidi pa nan pordonami. Mi a bay demasiado leu. Mi a comete un eror, mi a kiboca.”
E yiu homber mayor di Trumnp, Donald Jr., kende ta dirigi e negoshi di e famia na New York y Mitt Romney, e candidato presidencial Republicano derota na 2012, tabata ente e conservadornan cu a confena e potret.
“Askeroso pero no sorprendente,” Donald Jr. a tweet diamars. “Ta e links di awe. Nan ta consideer’e aceptabe. Bo por imagina si un otro conservador lo a haci’e si Obama tabata presidente?”
Tambe Romney a eligi e red social aki pa expresa su mes. “Nos politica a bira demasiado basico, demasiado abao y demasiado vulgar, pero e post di Kathy Griffin ta descende pa un teritorio ainda mas repugnante y vil,” el a describi.
Hasta e criticonan di Trump, a duna di conoce nan desaprobacion.
“Nunca ta pret haci joke riba mata un presidente,” Chelsea Clinton, yiu muhe di e exrival electoral di Trump, Hillary Clinton.
“Mi ta kere el a pensa cu e tabata haciendo algun declaracion artistico, pero e imagen ey no tin lua den nos dialogo politico,” el a bisa na Al Franken di MSNBC, senador democrata di Minnesota y excomediante di e programa Saturday Night Live.
Servicio Secreto a anuncia cu nan lo bay studia e incidente publica riba Twitter cu e menasanan contra su protegidonan “ta ricibi e maximo prioridad” di nan investigacionnan.
Squatty Potty, un compania di productonan di baño cu sede na Utah, a suspende un campaña publicitario cu Griffin, calificando e potret di ta “profundamente inapropia.”
Fuente: http://www.rcnradio.com