Horcan BERYL ta e di dos sistema Tropical cu a haya nomber pa e temporada 2024 pa lama Atlantico y Caribe.
Despues di analisa e sistema y datonan disponibel, mirando e proyeccion den consulta cu e diferente partnersnan entre otro Meteo Aruba y esnan regional, CMO a yega na e siguiente accion.
CMO no ta mira e necesidad pa activa e Crisis Team Nacional pa cualkier eventualidad relaciona cu Horcan BERYL.
E Horcan lo pasa diamars venidero parti noord di Aruba, cu e datonan actual na un distancia di 530 km.
CMO, Meteo Aruba y partnernan den region lo keda den e fase di MONITOR te cu diamars pa cualkier desaroyo inusual cu Horcan Beryl.
CMO lo keda informa e comunidad atraves di Prensa local di cualkier desaroyo di Horcan BERYL, den caso cu lo por tin impacto ariba Aruba.
Pa awor Crisis Management Office ta conseha, pa no bay den ningun panico innecesario.