Inmediatemente despues cu e MOU a wordo firma na Juli aña pasa entre Minister di Cultura, Nuevo Mundo Foundation y Scol di Musica Rufo Wever, Nuevo Mundo a invita e organisacion PANA (Pa Amor di Nos Aruba) pa joinnan como partner den e proyecto. Un di e obhetivonan di PANA tapa establece na Aruba Centro di Excelencia di Musica Clasico.
E prome tarea di e tandem Nuevo Mundo Foundation y PANA tabata pa haya un persona pa traha un”business plan” pa e proyecto. Despues di varios intento cu no a duna fruto, Señor Alberto Perret Gentil, presidente di PANA a bin logra haya un joya di persona, e maestro Felipe Izcaray Yepez, actualmente Director Artistico di e Sistema Nacional di Orkesta y Coro Hubenil y Infantil na Carora, Venezuela.
Ayera tardi e maestro Izcaray y su señora Norma, a yega Aruba pata presente awe merdia nae reunion pa lansa e proyecto hunto cu nos Prome Ministro Sr. Mike Eman kende awor tambe tin e cartera di Turismo. Na Aeropuerto Internacional Beatrix e pareha Izcaray a ricibi un bonbini caluroso di Sr. Alberto Perret Gentil y su señora Veronica.
E obhetivo principal di e Maestro Izcaray na Aruba tapa realisa e obhetivo di e MOU: crea un Orkesta Sinfonica Hubenil Arubiano. Pa e reto aki, Señor Izcaray ta bon prepara! E ta conta entre su hopi logronan e creacion di un orkesta na Salta, Argentina cu despues di apenas cuatro aña a ricibi e premio como MihoOrkesta di Argentina di 2004, premio otorga pa e Asociacion di Criticonan di Musica di Argentina. Prome cu esaki, e orkesta tabatin un actuacion fenomenal na 2002 den e famoso Teatro Colon di Buenos Aires completamente yen di amante di musica clasico. A base di nan exito, e orkesta a ricibi invitacion pa actua varios aña na e mundialmente conoci Hotel LlaoLlao di Bariloche camindanan tabatin mas exito y na e 1° Festival Internacional di Ushuaia, Argentina caminda e sinfonico di Salta a sirbi como e sinfonica anfitrion. Na Salta e maestro Izcaraya sirbi tambe como Comisionado y Coordinador General di gobierno pa e desaroyo di e red provincial di orkestanan hubenil y infantil di Salta, algo cu lo yud’e enormemente den su proyecto na Aruba.
Maestro Izcaray a studia direccion di orkesta bou di e Maestro Venezolano Antonio Estévez y bou di e Maestro Franco Ferrara na e Academia Santa Cecilia di Roma, Italia.
E tin Bachelors den Educacion Musical, Masters den Direccion di Coro, y Doctorado den Direccion di Orkesta, tur tres di Universidad di Wisconsin, USA.
Danki na esfuersonan di PANA, Aruba por ta orguyoso di a haya un maestro eminente manera Felipe Izcaray pa yuda realisa e MOU cu Gobierno, Nuevo Mundo Foundation y Scol di Musica Rufo Wever a firma aña pasa. [email protected]