Diasabra 25 di maart Club Yamanota Toastmasters a celebra su di 10 aniversario. E celebracion a tuma lugar na Simar y a conta cu un cantidad grandi di miembro di Toastmasters di diferente club y invitadonan. Tabata reina un energia spectacular meimei di miembronan y invitadonan cu a comparti e alegria di por a celebra 10 aña di Club Yamanota Toastmasters.
E anochi a wordo dirigi pa toastmaster Gayle cu a haci un tremendo trabou. E ceremonia a conta cu diferente orador. Tm Loufran a conta di su experencia como miembro y historia di Club Yamanota Toastmaster. Despues a sigi pa TM DTM Leidy Ozuna cu a splica den detaye e tocante e topico di Liderazgo como Toastmaster.
E anochi a sigi den un ambiente ameno cu seccion di reconocimento pa tur e ex president di Club Yamanota Toastmaster.
Tambe tabata tin un reconocemento special pa TM Hortencia di Baranca Toastmaster cu semper ta dispuesto pa yuda tur Toastmaster Club na Aruba den e parti di Food & Beverage.
Yamanota Toastmaster Club a wordo funda oficialmente na aña 18 maart 2013. Emely Thiel (Q.E.P.D.)tabata e prome president charter pa Club Yamanota Toastmaster. E anochi aki nos a recorda un bes mas TM Emely (q.e.p.d.) como un pilar pa nos club.
10 aña y 10 diferente President Yamanota Toastmaster Club tabata tin. E aña aki nos ta conta cu Madam President TM Angeline Tromp como President di Yamanota Toastmasters Club. Cu e celebracion aki nos kier a recorda tur President di Yamanota cu a sa di haci un bon trabou y hisa nos club na laira.
President Anja di Programa
TM Emily Thiel (Q.E.P.D.) 2013 Charter President
TM Anthony Thiel 2013-2014
TM Ica Jones 2014-2015
TM Rubinah Bernandina 2015-2016
TM Michelle de Groot 2016-2017
TM Loufran Tromp 2017-2018
TM Jessica Besselink 2018-2019
Tm Raffy Kock 2019-2020
TM Maureen Jandroep 2020-2021
TM Noris van Lis- Donata 2021-2022
TM Angeline Tromp -Zievinger 2022 – 2023
Uni bo mes na e famia di Toastmaster. Yamanota Toastmasters Club ta mas cu satisfecho di por yuda na crecemento personal di cada persona y asina construi lidernan den comunidad. Como miembro di Yamanota Toastmasters Club bo ta forma parti di un organisacion mas grandi cu ta Toastmasters International. Toastmasters International ta apoya tur Toastmasters Club rond di mundo.
Cu Toastmaster bo tin diferente beneficionan e.o.
– Mehora habilidad pa papia den publico
– Crea abilidad pa skirbi y presenta Charla
– Enfrenta bo miedo pa papia den publico
– Crea confiansa den bo mes
– Converti den un gran lider
– Crecemento personal sin limite
– Crea bo networking
– Un ambiente favorabel
Yamanota Toastmasters Club ta practica, bilengual, presentando den Ingles y Papiamento. Inivitadonan ta bonbini pa bishita nos Club y siña den un ambiente agradabel cu oportunidad unico. Pa bira miembro di nos club lo costa solamente 25 fl pa luna. Yamanota ta reuni tur di dos y cuatro Diasabra di luna di 10 am pa 12 pm.
Uni bo mes na nos famia di Yamanota y ban subi e cero di exito hunto.
Pa mas informacion contact nos na Yamanota.Toastmastersclub.org of bishiti nos facebook page https://www.facebook.com/YamanotaToastmastersclub
