Club POVA ta existi 75 aña, pa cual Sra. Natasha Cabral, presidente di Club di Polis. Sra. Cabral ta elabora ariba esaki.
Ser presidente di Club POVA ta un trabao boluntario, como tambe miembronan di directiva. Sra. Cabral ta duna merito y tambe un pabien na e directivanan anterior, ya cu si no ta pa nan, e club lo no ta caminda cu e ta aworaki, y tampoco uno existente.
Ta facil pa lanta un club, pero manten’e durante tur e añanan, esey ta un reto grandi. Club POVA ta un club hopi activo y esaki, segun Sra. Cabral, ta danki na su miembronan cu ta personanan di afo cu no ta polis, y nan tin e facilidadnan di tennis, volley, basket y tambe biyar. Club POVA ta haci’e tambe uno social.
Celebracion di 75 aña ta uno hopi special, caminda cu nan lo ta bay ta organisando vario ssactividad. Na final di maart lo tene Copa POVA 75 aña den volley. Actividadnan lo tuma luga henter aña pa asina celebra e 75 añanan di POVA.
Por ultimo, Sra. Cabral den calidad di presidente, a gradici e miembronan di POVA cu sin nan, no tin club. Tambe el a gradici e directiva cu tene e club activo, como tambe miembronan cu no ta polis, pero cu tambe ta aporta tur luna, dunando nan tempo pa asina hiba e club dilanti.