Sr. Jeff Matos, director di Centro Kibrahacha ta splica riba un programa cu nan lo bay tin awor pa por registra informacion di su clientenan. E ta amplia.
E programa, hunto cu AFAS lo ta un netwerksysteem, unda nan lo registra tur nan datonany tur nan servicionan, pa asina den futuro nan por raporta na un manera mas transparente riba nan servicio cu nan ta ofrece di e grupo di 60+.
Segun Sr. Matos e no ta directo pa e miembronan, pero pa e organisacion. Tin hopi cambio pa non- profitnan, unda ta haya subsidio cu lo mester raporta bek na instancianan cu ta financia bou fundacion. Esaki ta un programa dirigi ariba nan servicio cu nan ta duna. Na momento cu un hende ta participa na e servicio, tin un registro di diferente servicio cu nan ta ofrece. Pa midi e calidad di e servicio, na momento cu bo wak cuanto hende ta haci uzo di bo servicio, ki edad nan tin, di ki distrito nan ta bin. Tin un sistema di registra e servicio. Y esaki ta e registro cu nan lo traha cun’e.
Ta hopi importante pa e organisacion pa wak ki tipo di servicio nan ta ofrece na e grandinan y con pa mehora e servicio cu ta participa na e comunidad. No directamente na e cliente, pero na final e cliente lo ripara cu Kibrahacha lo adapta nan servicio a base di e interes cu nan tin. Nan lo cumisna cu e base y despues sigui cu e cliente. E cliente lo ripara cu a base di registro, nan lo sa kico ta e cliente su interes y a base di esey lo adapta nan servicionan.
Pa 1 di September lo cumisna cu un investigacion nacional, di kico ta e interes di un hende di edad den comunidad. Por ofrece tur servicio pero si no tin interes, no por haci nada. Kibrahacha tin un bista cla cu tin un interes grandi pa movecion y obra di man. Loke nan kier enfoca ariba dje e siguiente lunanan, ta ariba e parti di comunicacion. Dus lesnan di computer, online banking. En corto, Kibrahacha kier amplia nan servicio ariba nan doelgroep.
Sr, Gino Tromp, di AFAS software tabata presente na e lansamento di e programa Profit, cu ta un sistema integro cu ta raporta, haci e datonan financiero, datonan administrativo den un sistema. Un data caminda por haya tur informacion di bo sistemanan. Profit ta un programa pa companianan. Di small business pa medium te companianan grandi.
Pa Club Kibrahacha nan ta tum’e dne manera di un fundacion. Un fundacion cu ta pensa manera un organisacion, den procesonan standard. Dus tur informacion un caminda, un solo palabra automatisacion. Pa tin un bista general di kico ta pasando na Kibrahacha, di con e fundacion ta draai, segun Sr. Gino Tromp, di AFAS.