Sra. Jilka de Nobrega ta splica kiko tur Club Kibrahacha 60+ ta hasi pa nos grandinan y tur dia nan tin diferente actividadnan fisico, manera conditie training y dance fit cualnan ta hopi popular.
Tambe nan tin hersengymnastiek y diferente workshops, charlanan tocante siguridad y brandweer, con pa maneha placa y extra actividadnan cu ta wordo duna na e centro.
Club Kibrahacha tin un bunita internetcafe, cu tin yen di computer unda cu tin un boluntario cu ta willing pa yuda cu si tin algun pregunta tocante Facebook of con pa traha cu nan iPad, con pa traha cu nan celular. Dus tin hende cu ta yuda e grandinan cu esey.
Sra. de Nobrega a sigui bisa cu a haci un sondeo ariba locual e hende ta busca pa haci, dus e bishitantenan di e facilidad di Kibrahacha y un di e actividad cu nan ta gusta ta por ehempel mozaik. Club Kibrahacha tambe ta siña nos grandinan con pa traha cu online banking.
Dia 5 di November nan lo tene nan bazaar anual, cu e boluntarionan di semper ta yudanan cu esey. Na December tambe nan ta celebra pasco cu tur nan miembro – y boluntarionan. Nan ta bay un hotel, pa tur hende pasa un rato agradabel.
Recientemente dia 8 di September, Club Kibrahacha a celebra 30 aña di existencia y como tal September ta un luna di celebracion, caminda cu e club lo bay ta haciendo hopi actividad, segun Sra. de Nobrega a splica.