Den fin di siman, Kibrahacha 60+ a presenta un concierto di pasco. E tabata un evento publico caminda nos grandinan , famianan y amigonan di clientenan di Club Kibrahacha a presencia un anochi bou di e streanan den aire liber disfrutando di canticanan di Pasco.
Combersando cu director di Centro Kibrahacha, Sr. Jeffrey Matos ta splica cu nan tin den nan programa durante siman y ariba diasabra, lesnan na di cuarta. E intencion di e concierto aki ta pa e clientenan cu ta participa na durante aña na les di cuarta por demostra den e concierto y practica nan habilidad den e mundo di musica.
Na tur persona 60+ cu ta desea den futuro di forma parti di club Kibrahacha por pasa di dialuna pa diabierna parti mainta na e Centro pa mira kico tur ta e actividadnan cu tin cu nan por forma parti di dje. Jeffrey Matos ta acentua ariba e contacto socia como un un di e aspecto mas importante den bida di nos grandinan y esaki ta loke cu Club Kibrahacha ta ofrece pa medio di su actividad cognitivo y social.