Awe directiva y clientenan di Club Kibrahacha a bini hunto pa celebra 36 aña di existencia, un proyecto cu a cuminsa bou liderazgo di Eric D’Arnault.
Actual director Jeffrey Matos, a splica e celebr’e grandemente pasobra ta 36 aña nan tin sirbiendo e grandinan di Aruba. A probecha e celebracion aki pa introduci e logo nobo y tambe a lansa e website nobo.
Como sorpresa pa e mainta aki a duna reconocemento na e persona cu tin 35 aña como boluntario di e fundacion aki. Ta trata di Irene Robles de Medina, kende a haya un pin cu ta hiba e nomber di e co-fundador Eric D’Arnault. Actualmente nan tin 40 boluntario cu ta yuda den diferente area.
E club mes tin mas cu 200 miembro, kendenan ta participa den e actividadnan di dialuna pa diabierna. A cuminsa amplia nan actividadnan pa riba diasabra cu workshop y lesnan di cuarta. Tur esaki debi na e interes cu tin.
El a haci apelacion na yiunan pa trece nan grandinan Club Kibrahacha pasobra di e forma aki ta mantene nan activo y independiente. Durante e eventonan semanal, nan ta haya chens di socialisa cu otro personanan di nan mesun edad.
