Pa cera e celebracion di nan di 32 aniversario, Club Kibrahacha 60+ lo bay tin un caminata e luna aki. Esaki ta algo hopi saludabel, yena cu actividad pa esnan di 60+ y tambe pa e pueblo di Aruba.
Segun Angie Amidjojo, e caminata lo tuma luga riba dia 30 di September, cuminsando pa 5’or di atardi. Nan lo start for di e Club Kibrahacha mes y lo cab’e na e club mes. E ruta ta di Club Kibrahacha, bay na e crusada di Sero Pita, bay na e crusada di Ayo y bolbe bek e mesun ruta. E caminata ta costa 10 florin pa persona. E ta inclui un tshirt y tambe refresco cu patia. Por inscribi na e caminata aki na Club Kibrahacha y tambe na Ibisa. Lo bay tin diferente size di tshort. Riba e formulario di inscripcion por nota esaki. Si tin mas pregunta por yama na 5828159.