Dia 5 di December ta dia International di boluntario. Diasabra ultimo den presencia di algun miembro di directiva y tambe miembro di Rotary Club of Aruba, Club Kibrahacha a honra tur su boluntarionan cu un anochi agradabel na Centro Kibrahacha. Club Kibrahacha 60+ ta sumamente contento pa tin un team tremendo di boluntario. Un gradicimento ta bay na tur boluntario cu henter aña a dedica nan tempo liber pa yuda na nos centro.
Cu un delicioso catering y musico di “Los Tres” tur presente a pasa un anochi placentero.
“Los Tres” e biaha aki a wordu acompaña pa Mitchi Henriquez y Chonai Faro. Tur hende a gosa bailando riba e ritmo di “Los Tres” cu nan repertorio “Melodias del Pasado”.
Club Kibrahacha un biaha mas kier gradici e grupo “Los Tres” cu semper boluntariamente ta dispuesto pa trese un ambiente musical.
Club Kibrahacha ta desea Directiva, personal, miembro, boluntarionan y tur su colaboradornan un Feliz Pasco y un prospero aña 2017.