Dialuna ultimo e miembro y boluntarionan di Club Kibrahacha 60+ a bini hunto pa celebra dia di mama y tata na Manchebo Beach Hotel.
E celebracion a bay den bon ambiente cu entretenimento musical di Coro La Scala y presentacion di Edgar Oduber ariba su guitara. Grupo Los Cinco tambe tabata presente y a deleita un dushi ambiente musical. Martina Werleman a declama un bunita poesia dedica pa nos grandinan y Agaath van Vliet tambe a presenta un bunita cancion.
Entre tur esunnan presente Club Kibrahacha a eligi e mama y tata di aña.
E mama di aña di tur e miembronan a bira Elaine Giel y mama di boluntario a resulta Rubia Bernadina.
Durante e mainta ameno aki e tatanan presente tambe a wordo reconoci. E tata di aña di tur e miembronan a bira Mario Kelly y e tata di boluntario a resulta Ronny Clement.
Club Kibrahacha ta manda un danki di curason pa e management di empleadonan di Manchebo Beach Hotel pa nan hospitalidad.