Club di Movimiento ta presenta “The Oscars”
Club di Movimiento (CDM) ta un scol di baile situa na Noord funda desde 1997 bao di direction di Sra Samanta Westera- Juppa, Bailarina Artista y Maestra di Baile cu mas di 35 aña di experiencia.
CDM ta conta cu un team di maestro di baile local y internacional cu ta semper motiva pa inspira alumnonan pa crece den e mundo di arte y cultura.
CDM ta ofrece un variedad grandi den estilo di Baile y Acrobacia, manera Ballet, Jazz, Contemporary, Modern, Tap, Street Dance, Latin, Folklore, Afro, Acro, Aerial Arts (Silk) y hopi mas.
Tur aña alumnonan di CDM ta participa den diferente actividad artístico den nos comunidad, show annual di CDM na Cas di Cultura y Ballet exams por medio di Royal Academy of Dance, un organization di Ballet International cu miembrecia di mas di 80 pais rond mundo.
Den e weekend venidero lo presenta nan Show Annual Diasabra 23 Nov pa 7:30 PM y Diadomingo 24 Nov pa 3:00 PM. E aña aki CDM ta presenta “The Oscar” un presentacion cu bailenan recordando peliculanan famoso nomina pa “The Oscar” awards.
“The Oscars” ta un show hopi varia, dynamico, dramatico y divertido. Publico lo disfruta di un variedad grandi di estilo di baile y Acrobacia, manera Ballet, Jazz, Contemporary, Modern, Tap, Street Dance, Latin, Folklore, Afro, Acro y Aerial Arts (Silk).
E show ta conta cu participation di 190 alumno desde edad di 3 aña bai ariba y participacion special di nos artistanan local Ferdinand Franca y Marvin Rouse. Club di Movimiento ta invita comunidad di Aruba pa bin apoya nos talentonan hubenil den Cas di Cultura.