E aña aki, Club di dam Arowak ta organisa su torneo di Día di Rey riba e siguiente fechanan.:
Diaranson awo (17 april) e prome rond lo wordo hunga pa 7:00 di anochi
Diaranson (24 april), e segundo rond lo wordo hunga (7:00pm)
Diabierna 26 april pa 7:00pm, e tercer rond lo wordo hunga.
Y diadomingo 28 april e ultimo 2 rondnan lo wordo hunga pa 10:00 di mainta y 2:00 di atardi.
Tur e weganan lo wordo hunga den nos club na Sun Plaza 401-L (di 4 piso).
Duración di un partido lo ta 60 minuut pa banda cu un increment di 30 seconde después di cada set (desde di e prome hugada).
Anotación di e weganan ta obligatorio. P’e hungadornan nobo sin experiencia pa anota wega, esaki ta opcional.
Inscripcion ta gratis p’e miembronan di club.
Pa hungadornan nobo cu kier hunga solamente e torneo aki, inscripción lo ta 10 florin.
Si kier bira miembro di club, por participa na tur evenemento di club cu un contribución di 110 florin pa aña cu mester wordo paga prome cu fin di luna. (of por paga 10 florin pa luna locual ta sali 120 florin pa aña). Si indica cu kier bira miembro, y paga prome cu fin di luna, ta cobra solamente un contribution fee di 110 florin pa aña 2024.
Nos lo hunga un total di 5 rond riba e 2 diaranson, 1 diabierna y 1 diadomingo menciona aki riba.
Systema di wega lo ta sistema swisa, unda ganadornan ta topa otro.
Den caso di empate na final, punto di resistencia (weerstandspunten) y después punto di SB, lo determina e ranking final di e hungadornan.
E prome 3 luganan ta haya un trofeo.
Entregamento di premio lo ta después di e ultimo wega diadomingo (28 april). Esaki lo ta rond di 5:00 di atardi.
Pa registra pa e torneo aki, por contact Mario Jansen na cel (whatsapp) 699-8245, of Octavio Croes (cel/whatsapp) 594-5590 of Ricardo Wever 592-6391.
Esaki por wordo haci te cu diaranson (17 april) pa 6:00 di atardi.
Tur hungador di dam ta bonbini.
Si bo no por anota wega, tambe bo ta bonbini. Hungadornan cu pa prome biaha ta participa na nos torneo y no por anota, ta liber pa anota.
