E aña aki e Panamerican Draughts confederation lo tene nan torneo di dam pa Las Americas den e periodo di 5 pa 13 di april. Esaki lo tuma luga na San Jose, Costa Rica.
E hungadonan di Latino America, Caribe, y America Central por manda nan representantenan pa e torneo aki. Cada pais por manda 3 representante.
Pa Aruba, lo manda e promer tresnan cu a termina mas halto den e torneo di dam nacional di aña pasa. Nan ta Henry Knepa, Juan E. Nisbet y Octavio Croes.
Hunto cu e tres hungadonan, e vicepresidente y tesorero di PAMDCC (Panamerican Draughts and Checkers Confederation) lo biaha mañan 4 di april pa San Jose, Costa Rica.
Nan lo bolbe Aruba diasabra día 13 di april. E prome wega lo start día 5 di april.
Nos ta desea nos hungadonan hopi exito aya na Costa Rica. E evenemento aki ta wordo patrocina door di SSA y Lotto pa Deporte.
