Diaranson día 8 di Februari, Club di dam Arowak ta bai start cu su actividadnan pa 2023.
E promer actividad lo un simultaan duna door di e ganador di Campeonato di Aruba di 2022.
Esaki ta Ricky Nisbet.
Durante un simultaan, un persona (Ricky Nisbet), lo hunga cu tur hungadornan di dam presente, pasando di borchi pa borchi.
Esaki ta tuma lugar den nos clublokaal 401-L na Sun Plaza pa 7:00 di anochi diaranson awor día 8 di Februari.
Otro siman (día 15 di Februari) e promer rond di e campeonato di Aruba 2023, lo tuma lugar.
Tur hungador di dam ta bon bini.
Nos ta invita nan pa bin participa na e simultaan di diaranson awor y alabes inscribí pa participa na e campeonato di Aruba di 2023.
Contribución lo ta 75 florin pa henter e campeonato.
Por bira miembro tambe pa participa na tur actividadnan di club.
Esaki ta 10 florin pa luna. Si paga pa full e anja den un solo biaha, lo paga solamente 110 florin.
(1 luna gratis).
Nos tin varios torneo durante anja. (torneonan clásico (1 wega pa anochi), y torneonan rapid (2 of 3 wega pa anochi), y torneonan blitz unda full un torneo lo wordo hunga riba un anochi.
Nos ta spera tur hungador di Aruba bin participa na e promer actividad di club di dam Arowak y bira miembro di nos club pagando solamente 110 florin pa anja pa participa na tur actividadnan di club.
Localidad di nos clubhuis ta SunPlaza 401L. (por usa e lift pa bai na di 4 piso, y pasa via e porta na man robez pa jega na sala 401 L.
Horario lo ta pa 7:00pm
Tur e weganan lo tuma lugar riba diaranson anochi, cuminzando otro siman.