WASHINGTON D.C., Merca – E candidato Democrata pa presidencia di Merca, Hillary Clinton, ta supera e presidente electo, e Republicano Donald Trump, cu dos miyon di voso, cu a impone den e sistema di Colegio Electoral cu ta dicidi e habitante di e Cas Blanco.
E escrutinio, en marcha den algun estado cu ta processando voto den ausencia of deposita den exterior, ya a duna bentaha di dos miyon di voto na Clinton (64,22 miyon) contra Trump (62,21 miyon) y ta situa e porcentuahe total den 48.1% pa e democrata y 46.6% pa e Republicano, EFE a mustra.
No obstante, Trump a impone den e eleccion debi na e sistema di Colegio Electoral, caminda cu cada estado ta adhudica e ganado di e demarcacion teritorial den cantidad di compromisario calcula conforme na su peso demografico y ekivalente na e cantidad di su representantenan den Congreso.
E presidente electo a bay cu por lo menos 290 compromisario di e 538 cu ta adhudica e sistema di Colegio Electoral, pa loke ta, apesar di tin un menor cantidad di voto na nivel nacional, e Republicano tabata e ganado di e eleccionnan di dia 8 di November.
Aunke e ta dos miyon di voto abao di Clinton, Trump a supera den voto popular na e anterior candidatonan Republicano pa presidencia, e senador John McCain y e exGobernador Mitt Romney, kendenan perde contra e actual presidente, Barack Obama, na 2008 y 2012, respectivamente.
Segun e website Cook Political Report, dedica na recoge e recuento electoral, Trump a supera den voto e ultimo presidente Republicano, George W. Bush, kende na 2000 a logra 50,46 miyon di voto, un cifra inferior na e candidato democrata Al Gore, pero cu no a impidie impone den e Colegio Electoral.
Den e eleccionnan ey, caminda cu a caba cu intermediacion di Tribunal Supremo, Al Gore, a logra 51 miyon di voto, loke a pone un diferencia di 500 mil voto cu su rival Republicano. E dos miyon di votonan cu Clinton a bay dilanti Trump, ta constitui e mayor bentaha cu e candidato perdedor a saca na e ganado den un eleccion presidencial di Merca, un pais cu a mira crece e cantidad di hende cu ta acudi na urna den e ultimo añanan.
Fuente: El Universal