WASHINGTON D.C., Merca – Hillary Clinton a regresa campaña electoral diahuebs, cuater dia depsues di su casi desmayo y cu poco espacio pa otro paso en falso.
Na momento cu el a subi escenario, Clinton a aborda e tema cu a acapara e titularnan desde diadomingo: su salud. El a reconoce dilanti e multitud na Greensboro, North Carolina, cu e ta haya su mes obliga pa permanece na cas despues di su diagnostico di pneumonia na un momento asina crucial den e eleccion cu no tabata facil pa digeri.
“Manera bosonan tur sa, recientemente mi tabata tin un tosamento cu a resulta di ta pneumonia,” Clinton. “Mi mester a tuma algun dia prome,”, pero “faltando dos luna pa e dia di eleccion, ta sinta na cas tabata e ultimo luga cu mi kier ta.”
Un di e ultimo lunanan cu e publico a mira Clinton, e candidata tabata wordo yuda pa su ekipo di siguridad, casi perdiendo balans, pa drenta un SUV. Despues di a sigui ordennan di su dokter pa baha e intensidad y descansa pa recupera di e pneumonia y mirando cu Donald Trump tabata delanta den algun estadonan indeciso clave manera Ohio, e candidata democrata ta tuma e bentaha riba e Republicano pa solamente dos punto entre votantenan probabel.
Den un analisis ta mustra cu Clinton ti 43% di e apoyo di e votantenan probabel, Trump tin 41% di e apoyo, e candidato libertario Gary Johnson tin 9% y Jill Stein di e partido berde tin 3% di apoyo.
E resumen ta duna di conoce despues cu e ultimo encuenstanan di CNN/ORC ta mustra cu Trump tin un bentaha riba Clinton na Ohio y Florida, dos estado clave den e eleccion.
Aunke cu e campaña di Clinton a duna di conoce mas informacion riba su estado di salud diaranson, su decision inicial di no revela di inmediato e diagnostioco di pneumonia te cu diadomingo anochi – despues cu el a laga e evento di conmemoracion di dia 11 di September – a provoca criticanan nobo pa falta di transparencia.
Y Trump, despues di a keda den gran parti aleha di comentarionan riba e reciente episodio di salud di Clinton, a cuestiona e resistencia di su oponente den un acto na Canton, Ohio, e anochi diaranson.
“Mi no sa, boso ta kere cu Hillary Clinton por ta capas di keda para aki durante un ora? Mi no sa,” Trump a refleha.
Fuente: CNN en Español