E siman aki ta bay yega den e oportunidad caminda cu como fundacion, despues di 6 aña lo bay habri un localidad. Algo cu ya tabata poni den statutonan di Fundacion Rancho, pa asina yega na un centro di actividad. Esey ta loke ta bay pasa. Pa diabierna awo, dia 14 di October lo bay tin apertura di e centro, cual lo ta ubica den Koningstraat 38. E ta un cas monumental di famia Tromp. Como fundacion a tum’e over y a cuminsa huur’e, pa asina ey cuminsa cu un otro era pa fundacion Rancho caminda cu ta bay tin un centro di actividad, unda cu lo bay tin tur cos cu tin di haber cu mantencion di Rancho, unda cu tin hende ta bay ta bon bini, unda cu pa diabierna awo lo bay tin un prome exposicion. Aki lo bay ta riba e botonan miniatura. E historia di pesca di Rancho, esey ta un parti hopi crucial di e cultura y ta trahando riba dje, pa sigui conserv’e.
E luga aki lo bay pa educa tur mucha cu kier siña mas di piscamento y tambe botonan di miniatura, cual ta e basico, mirando cu botonan miniatura a wordo poni como imaterial como fundacion, caminda cu a trece dilanti. Esey ta e direccion cu ta bay. Mester bay mas den botonan mas grandi, pasobra ta un tradicion cu a bay perdi.
Actualmente ta trahando pa yega na e proximo paso, pa traha un boto di piscado crioyo y esey ta e enfoke cu ta bay tin for di e Centro di Actividad di Rancho.