Dia 15 di October tabata Dia Internacional di Garoti Blanco y strepi cora y fuera di a tene un dia di actividad cu muchanan cu bista limita no mucho dia pasa na e crusada dilanti Bestuurskantoor, nan tabata tin un otro actividad, riba e dia aki mes pa nan clientenan un tiki mas mayor di edad.
Un di e clientenan di FAVI, a comenta cu antes no tabata tin guia. Awor cu tin FAVI, nan ta hayando e yudansa adecuado caminda cu nan por move den comunidad. Locual ta e motibo cu e garoti ta hopi importante pa e personanan aki. Sin dje, nan no por.
Personanan cu tin bista limita, tin bario caminda cu nan ta biba, cu no tin acera, ta dificil pa nan cana. Nan por orienta riba e asfalt, aunke ta keda un reto. E garoti ta yuda. Aki ta fula pa cana. E ora ey e rand tin cu cana na dje y door cu no tin acera, ta obliga pa nan cana riba caminda. Esey ta bira un tiki dificil pa nan.
Tony Tromp tambe ta un persona cu bista limita. E tin basta tempo ta cana cu garoti. Ora e sali bay un caminda, na cualkier actividad, etc., e ta bay cune. Un cos cu e ta bisa di e autonan, ta cu algun di nan no ta coopera ora cu un persona limita ta crusa caminda y esey ta un tiki peligroso pa e personanan limita di bista.
Tromp a sigui splica cu ora cu autonan ta para pa por dal un bito pa e personanan sa cu nan a para, cu nan por crusa caya, ta un bon señal pa nan.
Tin hende ta yuda nan crusa caya, caminda cu nan ta pone man riba schouder di e persona cu ta guia nan pa nan crusa. Tambe nan ta uza hopi nan oido riba papiamento di hende rond di dje, esey tambe ta yuda hopi, segun Tromp.
Dunano un acceso liber na e personanan aki, ta yuda nan hopi pa nan por move na un manera independiente, apesar cu nan tin bista limita of no tin bista at all. Di e forma aki, cu e actividadnan cu FAVI ta bin cun’e frecuentemente, ta pa concientisa nos automobilistanan cu si bo mira un persona cu un garoti blanco, strepi cora, para pe, dal un pito suave pa e sa cu b’a para, pa asina e por crusa caya sin ningun problema.