Sra. Luenne Gomez- Pietersz, director di SIAD a splica cu diaranson 15 di Februari tabata ultimo dia pa paga e loonbelasting/bbo. Directora di SIAD, ta amplia ariba esaki.
SIAD tin dos aña caba cu nan ta duna e clientenan e formularionan den nan man, pasobra di experiencia nan sa cu e clientenan ta keha cu e formularionan no ta yega. Pa clientenan cu a registra nan mes recientemente, e formularionan aki ta wordo geprint.
Un biaha mas, clientenan ta bisa cu nan no sa cu mester pasa busca e formularionan. Segun Sra. mr. Luenne Gomez- Pietersz, lo mester evalua si lo mester haci uzo di tv spot of via radio, caminda cu e informacion ta sali directo y ta yega directo cerca e cliente, sin cu e ta bay via un comunicado di prensa.
E grupo di clientenan cu ta bisa cu nan no tabata sa cu mester a wordo busca, cu nan no a wordo yama of nan no a wordo informa, toch mester bin oficina di Departamento di Impuesto y pasa busca e formularionan pa asina toch cumpli cu e pagonan di luna di Januari.