Siman pasa tabtaa tin un blackout na WEB, pero door cu ta clientenan cu ta di ELMAR, y pa facilita, pa yuda WEB, si tin keho ariba aparatonan electronico cu por a daña, ELMAR tin un ‘claimform’, por yena e formulario na balie di Elmar.
Sr. Robertico Koolman, director di Elmar a splica cu por mail e of trece e formulario na ELmar. Unabes cu e formulario a wordo yena, e ta wordo analisa y unabes e wordo aproba, un experto den daño ta wordo manda pa e adres pa constata cu tur ta e daño cu a wordo haci, si e aparato por wordo drecha y e lo dicidi e ora kico ta e compensacion cu lo mester wordo duna na e cliente. ORa cu coriente ta bay, ora di inschakel, cliente por subi un poco mas halto cu normal, e por ocasiona cu e aparato por daña.
Lo ta consehabel pa ora cu coriente bay, pa saca tur e plugnan for di coriente. Y asina cu ripara cu e coriente a bin bek, e ora poco poco ta plug e aparatonan bek.
Por ultimo, Sr. Koolman a splica cu cada caso ta diferente, y ta wordo trata cu prioridad. P.e. entre un frigidaire y un television, esun mas urgente, cual ta un frigidaire ta esun mas importante. Ya caba algun reaccion a cuminsa drenta, y esakinan ya caba tin den tramite.
Ta importante pa pone ariba e formulario, pa pone cual ta e aparatonan cu a daña y tambe kico ta e balor di e aparato.