Diahuebs merdia asistencia di polis a wordo solicita na Sing Fung Food Center na Tanki Leendert. Un cliente lo a cumpra un quesillo y ora a yega cas mane cu a habri e baki a haya un holor fuerte y tambe ora cu a wak e quesillo paden a ripara cu ya e la cuminsa haya schimmels.
E cliente a regresa bek na e supermercado pa bisa e gerencia pa nan ta na altura y tambe reclama su placa bek pero esun cu a atende cu e cliente no kier a dune su placa bek solamente e mag di coy algo otro na e balor ey. E cliente a nenga esey y bisa cu ta su placa e kier y a dicidi di yama polis. Ora cu a tende cu polis ta na caminda e ora dibiaha otro persona a sali y kier a regla tur cos.
Polis a presenta y tuma dato. E Chines a bisa polis cu ta e cliente mester wak kiko e ta coi for di den freezer y si e ta bon of no. Aki e polis a hala e Chines su atencion dibiaha y tambe a bisa e Chines unda e kier pa e wak cu e producto ta daña si no tin fecha di vencemento riba e producto. E cliente a haya su placa bek y polis a duna ordo pa kita tur e producto nan daña for di riba reki. Eynan mas cliente a reclama cu tin basta cos cu a vence riba reki y tambe cosan cu ta mustra daña riba reki. Ta spera cu autoridad nan concerni keda poni na altura.