Lider di proyecto, Fundacion Movimento ta Bida, sra. Rosa Leon ta splica di evento di nos grandinan. “Awe ta e clausura despues di tres luna pa e grupo di 28 persona cu ta 60plussers pensionadonan cu a inscribi pa e curso digital y tecnologia”, e ta bisa.
Fundacion Movimento ta Bida conhuntamente cu SETAR a traha e modelo. E ta splica cu e curso den tres fase ta pa esnan cu no tin e conocemento di tur locual tecnologia ta actualmente, mirando e situacion di Covid-19 a pone cu tur hende ta obliga pa haci uso di tecnologia.
“Lo mester por domina esaki bon, anto e grupo mas vulnerabel den e uso digital ta e grupo di 60 plussers. Cu esaki a duna nan e stap cu por haci cu smartphone y tur su beneficionan. Manera cua ta e apps mas usa, esnan cu ta duna e facilidad pa comunica cu otro persona sea na Aruba of den exterior”, e ta splica.
Un otro cos cu e proyecto aki ta yuda nan e parti di con ta haci pago online. Nan a haya bishita di departamento di WEB, Aruba Bank, SuperFood y Banco di Caribe pa asina duna informacion di nan apps y con ta haci uso di nan mas facil.
Na februari lo cuminsa cu otro grupo di 60 plussers y despues cu e otro grupo pa asina keda duna oportunidad na nos grandinan pa tambe compronde e uso di tecnologia, asina sra. Leon ta splic
a. E curso aki a dura 5 siman, y esnan cu a participa den fase 2 y 3 lo haya den corto locual e cursista nan a haya den fase 1.