Den un solo decada, Movimiento de Regeneracion Nacional (Morena), funda pa Andres Manuel Lopez Obrador, a converti den e partido mas poderoso di Mexico. Esaki a keda demostra den e eleccionnan mas reciente, caminda cu oficialismo a impone cu un amplio diferencia den e funcionnan mas importante di e 20 mil cu tabata na wega.
E victoria mas spera tabata esun di Claudia Sheinbaum den e presidencia, kende, segun e conteo rapido di e Instituto Nacional Electoral (INE), a obtene cerca di 60% di e votonan, mas di e dobel di 28.6%, alcansa pa su rival Xochitl Galvez. Fuera di esey, oficialismo a retene e capital di e pais, cu Clara Brugada ganando cerca di 50%, superando pa 10 punto e competidor mas cercano, Santiago Taboada.
E resultadonan aki ta marca e echo historico: pa prome biaha den 200 aña, e dos posicionnan mas poderoso di Mexico lo ta ocupa pa hende muhe di izkierda. Nan triunfonan ta representa tambe un cambio generacional den politica, ya cu ni Sheinbaum ni Brugado a milita den PRI, e partido cu a monopolisa e poder durante shete decara te cu aña 2000.
Sheinbaum, un ex-lider di e movimiento estudiantil di 1986, a cuminsa cu su carera politico ora cu Lopez Obrador a gana e eleccionnan capitalino y a invit’e pa ta secretario di Medio Ambiente di e Ciudad di Mexico. Brugada, di su parte, ta un ex-alcalde di Iztapalapa cu un trayectorio den e luchanan teritorial di e Ciudad di Mexico y militancia den e Partido de la Revolucion Democratica (PRD).
Oficialismo, bao di e campaña di Lopez Obrador, Sheinbaum y Brugada, casi a logra un mayoria absoluto den Congreso y e nuebe gubernatura den wega. E coalicion Sigamos Haciendo Historia, componi pa Morena, Partido Verde Ecologista de Mexico (PVEM) y Partido del Trabajo (PT), a alcansa 346 di e 500 asientonan den e Camara de Diputados y 76 di e 128 den senado. Aunke no a logra e dos tercionan necesario pa reforma constitucional, Morena lo ta e forsa mayoritario cu mas di binti den senidaruia y por lo menos 233 diputacion, liderando debate y e agenda parlamentario.
Den e gubernaturanan, fuera di Brugada den e Ciudad di Mexico, e victorianan a inclui Oscar Eduardo Ramirez na Chiapas, Margarita Gonzales Saravia na Morelos, Alejandro Armenta na Puebla, Rocio Nahle na Veracruz, Javier May Rodriguez na Tabasco y Joaquin Huacho Diaz na Yucatan. E oposicion solamente a wanta Jalisco cu Pablo Lemus di Movimiento Ciudadano y Guanajuato cu Libia Garcia di e aliansa PRI-PRD-PAN.
E resultadonan aki ta consolida e poder di Morena, un organisacion crea pa Lopez Obrador den su agenda di campaña na 2012 y formalmente registra como partido algun aña despues. Den un tempo record, Morena a move e partidonan tradicional y entrante prome di october, Sheinbaum lo encabesa e historico continuidad di e proyecto di Lopez Obrador.
