Clarice Holman di Aruba, medayista un bes mas na mastergoom international 2021 di Inglatera

Nos a haya e grato noticia cu Aruba su K9 Awareness Ambassador y Embajadora di Professional Dog Grooming International di Aruba; CLARICE HOLMAN, un bes mas a logra trece 2 podiums acerca pa Aruba durante e Master Groom International 2021 di Inglatera 🇬🇧
Prome biaha den historia cu un Arubiano ta yega asina leu den mundo di Professional Dog Grooming.

Clarice Holman, no ta desconoci den mundo di Dog Grooming Profesional. E ta e unico Formador Alianz Canine Wordwide den Caribe, accredita pa Union Europeo y ta forma parti di e famia grandi di Alianz Canine Wordwide como un di nan Formadornan (docente) oficial. “Alianz Canine Wordwide Aruba” ta forma parti di e 92 paisnan na mundo cu ta forma parti di e organisacion aki.

E ultimo añanan Clarice a sa di pone Aruba riba mapa International di e mundo di Professional Dog Grooming, Dog Shows y como tambe competencianan di dog grooming den exterior.

Como Aruba su unico Breed Specialist Clarice ta wordo solicita pa bay prepara cachonan den exterior pa drenta show. Prome cu e pandemia el a bishita New York na e prestigioso dog show Westminster Kennel Club Dog Show pa traha hunto cu show groomers y show handlers.

Apesar di eventonan pandemico, Clarice a sa di trece un luz positivo riba Aruba y cada biaha a sa di representa su pida baranca dignamente ganando competencianan na Europa, Latino America, Merca y awor tambe na Inglatera.

Durante e competencia di Inglatera,
organisado y un di e jueznan y groomer renombra: Colin Taylor (cu ta un juez tambe di e TV serie Pooch Perfect na canal BBC1) a menciona Aruba y Clarice Holman masha bunita durante resultado.
ARUBA su nomber a resona desde Inglatera pa henter mundo banda di grandinan den mundo di grooming.
Nos a logra haya un compilacion di Clarice su participacion y logronan te cu awor:

– April 2020, Alianz Desafio Groomers International, Europa, 3er puesto Workshop Open, breed Pomeranian, tema: Aruba Isla Carnavalesco
– Mei 2020, Ecopets Campeonato Mundial, Latino America: 1er lugar Workshop open, breed Standard Poodle, tema: Aruba, Diamond in the Caribbean.
– Oktober 2020: Alianz Villena Groom, Europa, 1er puesto Stripping class Open, breed Wire coated Jack Russel Terrier
2o puesto, Workshop Open, breed Standard Poodle, tema: Elvis & Priscilla Presley
– Nov 2020: Artero Grand Slam, Europa, no cualifica, tema Diabetes Awareness
– Februari 2021: Online Competitive Pet Stylists International, USA, 3er puesto Workshop Open, breed Standard Poodle
-Februari 2021: WPA online International , USA, cualifica den top 10 Pro Poodles den USA.
– Maart 2021: Master Groom International 2021, Inglatera:
1er puesto Workshop Champion, breed Standard Poodle
3er puesto Stripped Gundog Intermediate, breed Irish Setter

Nos ta felicita nos orguyo nacional y embajadora Clarice Holman pa tur su logronan y pa representa Aruba semper cu passion y profesionalismo. A la bes nos ta contento cu Aruba por conta cu un profesional di caliber riba tereno di cacho en general y lo keda pendiente pa mas novedad di Clarice y su cacho famoso Angel.

Pa resultado di Inglatera unda ta menciona Aruba:
https://www.facebook.com/watch/?v=304684451021533

https://www.facebook.com/watch/?v=1086587498484260

https://m.facebook.com/story.php?story_fbid=5264681943605653&id=314239145316649

Comments

comments