Cla pa trece un ambiente durante Caribbean Sea Jazz Festival

Manera ta conoci caba Caribbean Sea Jazz festival ta celebrando su di 10 edicion e aña aki. Pa celebra e gran etapa aki CSJF a trece un line-up unico cu tanto artistanan internacional como nos artistanan local.
E aña aki Caribbean Sea Jazz Festival lo sacudi bo mundo, cu e presentacion di e banda Latino “Unity” cu tin e beat di Soul, y cu lo acompaña e sensacion di pop Latino Jon Secada. Naci na Peru y cria na Miami, e talentoso y multi-instrumentalista y compositor Tony Succar ya a desaroya un gran oido pa combina e espiritu Latino cu e areglonan clasico famoso di jazz na un edad hoben. Tony a sinti cu e kier a rindi homenahe na su heroe musical y a funda e proyecto“Unity” : Un Tributo Latino na Michael Jackson.
Y ora cu el a conoce e ganador di multiple premionan Grammy, Jon Secada e magia mester a sosode. Agregando e sabor Latino na e cancionnan cu nos a lanta cun’e y cu nos conoce asina bon di Micheal Jackson, e orkesta aki di 16 hende c’un formacion musical fuerte lo haci un impacto masha grandi riba bo y lo hibabo directo bek den temponan “down memory lane”
Den e edicion di e aña aki di Caribbean Sea Jazz festival, Unity FT. Jon Secada ta dedica no solamente pa honra, pero tambe pa celebra Michael Jackson y tur su hitnan grandi.
Hunto cu artistanan internacional mane Unity FT Jon Secada, Caribbean Sea Jazz Festival ta presenta nos artistanan local mane Bonarriba & Croeze y Franklin Granadillo Jazz Orchestra
Educa y influencia pa e ritmonan y cultura di Aruba, Jeremy Bonarriba y Jose Croeze e fusion di e generacionnan di e isla, su herencia musical rico y multi cultural cu nan propio conexion di raisnan profundo den Jazz, cu e musica di mundo y elementonan electronico. Menguando nan estilo di produccion perfectamente, e duo a crea un estilo refrescante y original di trece e musica electronico Caribense.
No perde e proyecto interesante aki cu Caribbean Sea Jazz Festival ta trece hunto pabo diabierna September 23.
E aña aki Franklin Granadillo Jazz Orchestra lo ta presentando pa di dos biaha na e CSJF 2016. E enfoke di e orkesta aki ta pa incorpora varios estilonan di musica cu nan composicionnan di semper. E meta ta tambe pa tin un plataforma den cual artistanan hoben por participa y desaroya conceptonan apropia di toca y nan habilidad pa improvisa den un ensemble/grupo. E orkesta ta consisti di musiconan profesional c’un variacion di diferente musiconan hoben y prometedor cu ta studiando actualmente na Scol di Musica Rufo Wever. No perde e oprtunidad pa wak nos hobennan toca den un gran forma diabierna September 23.
Un biaha mas Caribbean Sea Jazz kier invita pueblo completo pa bin disfruta un ambiente unico cu Caribbean Sea Jazz festival so por trece dia 23 y 24 di September. Carchinan ta obtenibel pa solamente $55,-. na Super Food, Valero Boulevard & Essoville, Plaza Book Shop, The Market at Alhambra, Cafe the Plaza, Moomba Beach, Palm Tours, Red Sail Sports & Pelican Adventures.

Comments

comments