QUITO, Ecuador – Transgeneronan Ecuatoriano a vota diadomingo pa prome biaha di acuerdo na nan eleccionnan di genero, caminda cu e activisanan ta bisa ta signonan di progresion den e nacion Andina, socialmente conservado y mayoritariamente Catolico.
Na Ecuador, homber y muhenan tabata warda den rij pa accede na e papeletanan di votacion cu durante varios aña a crea momentonan incomodo pa e transexualnan, cu tabata mester a pone na su luga, nan sexo biologico.
“Rumornan tabata cuminsa, e miradanan,” e activista Marisol Mite, di 32 aña, kende a cambia aña pasa su descripcion di identificacion pa e genero, “muhe”.
E temornan pa e descriminacion tabata evidente. E votantenan tin biaha e prefera manda nan ruman of casa spera den fila te ora nan tabaa mas cerca di ricibi e biljenan, segun lesbiana, gays, bisexual y transgerenonan (LGBT) a bisa.
“E aña aki tur cos tabata diferente,” Mite a bisa, kende a agrega cu e funcionarionan publico y compañeronan votante, tabata mas conciente di su situacion.
Despues di añanan di discriminacion pa e comunidad LGBT y e oposicion di parti catolico,
Ecuador a aproba aña pasa un ley permitiendo hende eligi un genero den su cedula di identidad.
“Esaki ta importante pasobra nan ta reivindicando nos derechonan, no tabata facil,” e activistay e candidata na e congreso, Diane Rodriguez a bisa, despues di a vota den e ciudad di Guayaquil cerca di e costa di Pacifico.
Ta calcula cu 200 persona den e pais Andino di 16.5 miyon di habitante a cambia nan genero riba nan ID despues cu a aproba e ley, el a agrega.
Fuente: NTN24