FRANKFURT, Alemania- E centro di Frankfurt tabata parce un pueblo fantasma diadomingo despues cu decenas di miles di persona a wordo evacua, relaciona cu un operacion di retirada di un bom di Dos Guerra Mundial den e ciudad Aleman.
Casi 60 mil persona a wordo forsa di bandona nan hogar mientras cu autoridadnan tabata desactiva un bom di gran potencia cu a wordo descubri na un sitio di construccion.
E artefacto a wordo haya diamars cerca di e compleho di Universidad Goethe di Frankfurt, segun polis a informa den un comunicado.
Ta trata di un bom Britanico, specificamente un modelo areao di 1.4 ton HC4000.
Debi na e tamaño di e bomb, esey a haci cu e medidanan di evacuacion masivo tabata un precaucion necesario. E residentenan mester bandona nan cas pa 8 or di mainta prome cu e operacion di desactiva e bom.
Hospital y shelternan a wordo evacua diasabra, como tambe e reserva federal Aleman y un cadena di television local
E di Dos Guerra Mundial a caba mas di 70 aña pasa pero su legado ainda ta wordo sinti den ciudadnan den henter Alemania.
Fuente: http://cnnespanol.cnn.com