City Inspector ja caba a muda pa su edificio nobo cu ta situa na Pos Chikito den e edificio cu antes tabata Keuring Lokaal, esta DTI. Bureau CIty Inspector ta na di dos piso y ja caba ta moviendo den diferente bario di Aruba. Por bisa cu pa e aña’ki tabatin algun trabaonan cu a wordo haci rond di Aruba pa e parti mantencion tanto na Sanicolas como Noord y tambe den pueblo di Sta. Cruz y Oranjestad, Madiki cual ta un parti cu mester bisa cu tin hopi sushedad. Tambe den casnan di pueblo di Noord. E meta di City Inspector ta pa tene Aruba limpi, e parti di Salud y trankilidad den cada hogar. E departamento importante aki pa nos isla ta preparando pa aña 2019 caminda cu e lo bai ta hopi visibel. Bureau CIty Inspector tin un staff sumamente bon, e ta conta cu trahadonan cu ta willing pa traha y sigur bao maneho di director Sr. Kevin Pieters, kenda ta haciendo un excelente trabao y tambe den nomber di minister Otmar Oduber cu ta haciendo tur esfuerzo pa e bureau aki ta funciona optimal. Pa e aña venidero City Inspector lo bai ta jegando na diferente puntonan di bista caminda cu lo bai drenta diferente hogarnan pa haci limpieza cu ta hopi hopi importante. Pasobra un Auba limpi ta un Aruba dushi pa cada un di nos. Mester menciona cu pa e temporada aki di tiramento di klapchi, City Inspector lo bai ta riba caya pa tene controlnan riba e sushedad cu klapchi ta laga atras. Ta pidi encarecidadmente na tur persona cu ora bo cabi tira bo pagara, corda bari y lanta esaki tira fo. Bureau City Inspector tambe ta sumamente contento cu e ley pa cu foam y plactic a pasa pasobra asina tambe esaki ta juda pa mantene nos isla limpi.