Temporada di campamento ta den porta y asina tambe Bureau City Inspector (BCI) lo ta controlando riba nos beachnan y tambe na otro luganan cu ta conoci pa tin campadonan.
Tene cuenta cu City Inspector lo ta controlando e siguiente puntonan”
1. Si tur documento ta na ordo
2. Si campadoann tin suficiente saco di sushi
3. Si campadonan ta deposita e saco di sushi na e luga cu Serlimar a pone e bak of si ta bay hiba esakinan bek cas.
4. Si campadonan cu grill tin esaki poni ariba un harde vloer y no ariba santo blanco
5. Si campadonan ta dera carbon uza den santo blanco
6. Si rond di e tentnan ta na ordo y liber di sushi of si tin sushi cu por bula bay den lama
Bureau City Inspector lo ta controlando tur e 6 puntonan aki y si constata cu nan no ta na ordo lo bay over na duna un boet pa e infraccion cometi. Por fabor, tene esaki na cuenta.
Staff & Personal di Bureau City Inspector kier a desea Aruba completo un felis Siman Santo y gosa sanamente.