City Inspector Sr. Marlon Pietersz un biaha mas ta hay’e confronta cu autonan bandona den centro di ciudad. E siman aki un biaha mas, Sr. Pietersz a bin topa cu dos auto bandona y cualnan lo mester wordo deshaci di nan.
Sr. Marlon Pieters ta haci un apelacion na doñonan di e dos autonan ariba e fotonan pa bin hala e autonan aki pa diahuebs atardi of pa diabierna mainta. Si despues di e dia aki nada no wordo haci, dialuna City Inspector lo lanta e autonan aki y deshaci di nan.
Pa loke ta centro di ciudad, diahuebs mainta Bureau City Inspector lo sigui cu nan accionnan den centro di ciudad pa asina deshaci di un acumulacion di sushedad den nos centro di ciudad.